گوگل و اونا سروساک ۔۔۔ اسے چنکو نظر ئَس ۔نوشتوک : عظیم حسنی

گوگل و اونا سروساک ۔۔۔ اسے چنکو نظر ئَس ۔

نوشتوک : عظیم حسنی

گوگل نا پن ءِ ہر انٹرنیٹ یوزر بنوک مرو۔ دنیا ٹی معلومداری نا تبادلہ ءِ اسہ ہوش ءِ دروک ءُُ
رنگ اس تروک آ گوگل اِرا امریکی طالب علم آتا خواری نا سوب آن ودی مس۔ ہرا کہ اوفتا پی ایچ ڈی نا پروجیکٹ ئس۔
ببو مچہ گوگل و اونا بانی تا بابت گڑاس معلومداری تے بشخن۔
گوگل اسہ ویب بیسڈ سرچ انجن ئسے۔ ہراکہ 1996ء ٹی منظر عام آ بس۔ دادے جوڑکروک آک پی ایچ ڈی کروک 2 سٹوڈنٹ ئسر
(1) لانس لیری پیچ
(2) سرجے ہرن
لانس لیری پیچ 1973ء اٹی امریکہ ٹی ودی مس و اونا سنگت سرجے ہرن ہم ہند ا سال یعنی1973ء اٹی روس اٹی ودی مس۔ وشش سال انا عمر اٹی امریکہ غا ہجرت کرے۔ گوگل نہ کہ بیرہ اسہ سرچ انجن ئسے۔ بلکہ او انٹرنیٹ یوزر آتے ہر وڑ انا آسراتی تننگ نا باریم ءِ ہم تینا کاٹُم آ ہرفینے۔
ایہُن تو گوگل نا بھاز آ فیچر آک اریر، ولے داڑے نن منہ خا ص انگا گوگل نا سروس آتا ذکر ءِ کینہ۔
(۱) یوٹیوب:۔
ورلڈ رینکنگ اٹی مسٹمی نمبر ویب سائٹ یوٹیوب نا مالک ہم گوگل ءِ۔ دا ویب سائٹ اٹی ویڈیو شیئرنگ مریک۔ دا تیوی دنیا ٹی اسہ وڑ اٹ پنی ءِ۔
ڈس :۔www.youtube.com
(۲) بلاگر :۔
گوگل نا دا سروس آن مچ آ دنیا نا صحافی، ادیب، شاعر، ڈیزائینر، فوٹو گرافر و لس مخلوق فائدہ ہرفنگ ءِ۔
دا ٹی ہر کس تینا ’جی میل‘ اکاونٹ آن تینکن اسہ بلاگ اس جوڑ کننگ کیک۔ ادیب و شاعر آک داڑے تینا بلاگ جوڑ کیرہ و تینا نوشت و شاعری تے اوڑے پوسٹ کیرہ۔
ڈس :۔ www.blogger.com
(۳) جی میل : ۔
دا گوگل نا ای میل سروس ءِ۔ دا سروس ای میل اکاؤنٹ آن بیدس اسہ چنکو سوفٹ وئیراس ہم ایتک۔ ہرادے Gmail Drive Shell پارہ۔ دا سوفٹ وئیر ءِ انسٹال کننگ آن نما کمپیوٹر اٹی اسہ Drive اس شاغک۔ ہرانا کمک اٹ کمپیوٹر نا مواد جی میل اٹی محفوظ مننگ کیک۔
ڈس :۔www.Gmail.com
(۴) آرکٹ :۔
دا گوگل نا سوشل نیٹورک ءِ، ہراکہ کم و وَد فیس بک آمبار ءِ۔ داٹی رجسٹر مننگ کن جی میل نا ای میل اکاؤنٹ مننگ المی ءِ۔ و اگہ جی میل اکاؤنٹ ارے تو داٹی رجسٹر مننگ نا گرج (ضرورت) اف۔
ڈس :۔www.orkut.com
(۵) گوگل ایڈورٹائزنگ پروگرام :۔
گوگل تون ایڈورٹائزنگ نا 2 پروگرام ءُ ۔ Adwords ایلو Adsense
Google Adwords : دا پروگرام نا رد اٹ گوگل ویب سائٹ آ اشتہار ہلیک۔ و پیسہ ہلیک اوفتے سائٹ آ تیا چلیفک۔
Google Adsense : دا پروگرام اٹی گوگل ءِ ملوک آ اشتہار آتے ویب سائٹ آتا مالک آک تینا ویب سائٹ آ نشان تیرہ۔ اوفتے گوگل ہر کلک نا حساب آ پیسہ ایتک۔
(۶) گوگل ٹرانسلیٹر :۔
دا گوگل نا اسہ گچین ءُ سروس ءَسے۔ ہراٹی دنیا نا کم و وَد زبان آتا ٹرانسلیشن ارے۔
داڑے 50 آن زیات زبان تے اسٹ ایلو تون ٹرانسلیٹ کننگ مریک۔
ڈس : translate.google.com www.
دا گوگل نا خاص خاص فیچر آک ئسُّر۔ داکان بیدس گوگل بھاز آ سِتا کڑزوک سروس آ تا مالک ءِ۔
گوگل نا کچ کہیل:
Alexa رینکنگ ٹی گوگل 1 نمبر ءِ۔ و داٹی کم و وَد 20,000 آن زیات ملازم کاریم کیرہ۔
گوگل نا مالک آک دنیا نا 24 امیر ترین انگا بندغ آتے ٹی حساب مریرہ۔